Waarnimmer Belsjassar

fan Frans Francken*
Daniël

Belsjassar naam inkeld waar,
ferfong syn heit yn Babel,
woe dat rûnom witte litte,
rôp de hege hearen op
om feest te fieren sûnder stop.

Tûzen sieten oan it miel
mei Belsjassar, de kening
dy’t waarnaam dat elk him eare
joech fanwege fleis en wyn,
oerfloedich gie dy drank deryn.

Dronken rôp foarst Belsjassar
dat wyn noch better smakke
út ’e bekers út ’e timpel
fan Jeruzalem: ‘Dus drink
út godlik sulver op myn wink!’

* Frans Francken (1607-1667)
Skilderij ‘Feest fan Belsjassar’