Undergong fan Elam

fan ûnbekend*
Jeremia

De Heare set syn troan yn Elam,
eastlik fan it grutte Babelsk ryk,
en reaget foarst en riken út ’e wei,
gjinien fan har fynt noch ûntwyk.

De bôge fan dat folk wurdt brutsen,
dat gjin tûke kriger yn de striid
sjit noch in pylk, it folk giet út ’e wei,
der komt in ein oan Elams tiid.

De Hear ropt op de fjouwer winen,
dy’t ferdriuwe sille Elams folk
nei fjouwer streken, dêr’t de wyn weikomt,
dy’t tsjinnet foar de Hear as tolk.

Gods gleone grime sil har treffe,
triljend stean sy foar de fijân oer,
dan komt it flymjend swurd op harren wei,
mar Elams lot keart op ’en doer.

* Yllustraasje ‘Bôgesjitter’