Vincenzo Dandini*
Wa wie dochs dy Jerobeäm?
In ûnbekende noch, in tsjinner
fan de kening yn de muorrebou,
hy kaam út Efraïm, de stam
fan Joazef, yn Egypte winner.
Wol koe elk kening Salomo,
de soan fan David, earst in wize
foarst, mar letter man fan mannich frou
mei eigen goaden… doe wie ’t ho:
de Iene koe der wol fan grize.
Bekend wie Achia, profeet,
hy moast Jerobeäm fernije
fan syn keningskip, oan Gods Wurd trou;
tsien stikken joech er fan it kleed,
hy soe as foarst tsien stammen krije.
It nijs waard doe al gau bekend,
dat flechtsje moast de kening-tsjinner
nei Egypte, want hy kaam yn ’t nau
by Salomo, oan tsjinners wend,
mar dochs, Jerobeäm waard winner.
* Vincenzo Dandini (1609-1675)
Skilderij ‘Jerobeäm en de profeet Achia’ |
