Tintemakker Aquila

fan ûnbekend*

Ik ha Paulus yn Korinte troffen…
wie it tafal of is ’t sa bestjoerd?
Wy binne beide tintemakkers,
ûnderweis, nachts ûnder ’t doek,
elkoar hjir moetsje jout ús moed.

Keizer Claudius hat ús ferjage,
hookstrooks moasten wy út Rome wei,
allinnich om’t wy Joaden binne,
swalkje wurdt sa ús gebrûk,
ús libben stiet bytiden faai.

Paulus hat ús lykwols net beklage,
jout de Joaden in bliid boadskip mei,
want wa’t mei Kristus rint, sil winne,
komt úteinlik goed teplak,
nei Rome ta is net de wei.

* Yllustraasje ‘Paulus yn Korinte
by Aquila en Priscilla’