fan Jean-Honoré Fragonard*
As kenings eangst de oerhân krijt
troch timpeloffers yn Jeruzalem,
hy bang is foar syn konkurrint,
dan klinkt troch ’t lân in falske stim:
de keallegod hat Israel befrijd.
Twa timpels waarden heger boud
as’t grutte bouwurk yn Jeruzalem,
de iene noard, de oare súd,
wer klonk troch ’t lân in falske stim:
de keallegod is foar it folk fertroud.
detail
Doe kaam yn Bet-El de profeet,
fol grime spriek er oer it falske lûd
en dat it alter skuorre soe;
Jerobeäm, de kening, woe ’t
net oan en rôp fol grime: ‘Pak him beet!’
detail
Syn earm bleau stiif, hy wiisde troch,
mar nimmen sloech noch op syn oarders acht,
hy frege help fan de profeet;
sa kriich er oer syn earm wer macht…
op Bet-Els hichte stie de timpel noch.
* Jean-Honoré Fragonard (1732-1806)
Skilderij ‘Jerobeäms offer oan de ôfgod’ |
