Santich liken yn de put

fan ûnbekend*

Gjin minske wist noch fan de moard
doe’t tachtich man nei ’t suden kamen
mei teskuorde klean en ôfskeard burd
om offers oan de Hear te bringen,
sy fertrouden op Gods wurd.

Mar moardner Jisjmael hie neat
mei ’t wurd, hy liet syn falske triennen
rinne, dat er te fertrouwen wie,
doe brocht er santich man om ’t libben,
bluodderich sa’t bliken die.

Tsien kochten Jisjmael mei ’t wurd
om foar in foarrie koarn en huning,
weet en oalje, wylst de liken fan
de oare santich smiten waarden
yn in put, ’t wie neffens plan.

* Tekst ‘Jeremia 41 fers 7’