Noch gjin aureoal foar Paulus

fan ûnbekend*

Foar de tiid koe ik net witte
hoe’t myn taspraak rinne soe,
fan Jeruzalem gie ’t nei Damaskus,
as bline koe ik fierder sjen
en ha de wrâld it boadskip witte litten.

Troch myn taspraak kaam rebûlje,
om’t it folk net hawwe woe
dat ik it heilryk boadskip brocht,
myn wurd gie yn ’t geraas ferlern…
wêr koe ik foar de gaos eins noch skûlje?

Nearne, want de swipe drige,
wat fansels net heve koe,
omdat ik fan ’t begjin ôf boarger bin
fan Rome, ’t wie wol te foarsjen
wat ik as finzene te hearren krige.

Foar de tiid hie ik it witte
kind hoe’t alles rinne soe,
want de Hege Rie moast him útsprekke.

Ofbylding ‘Paulus’
Mozayk yn Rome