Myn hôf dyn hôf

fan ûnbekend*

Myn freon, myn hôf is ek dyn hôf,
sjoch my as spuitsjende fontein,
as wetter yn de boarne
dat troch beken oanfierd wurdt,
dy’t streame fan de Libanon,
in oarde sûnder ein;
wurd wekker, noardewyn,
kom sudewyn, waai troch myn hôf;
myn freon, kom do der no ek yn,
myn hôf is ek dyn hôf.

Myn breid, dêr bin ik yn myn hôf,
omdat dyn hôf is ek myn hôf,
in oarde sûnder toarnen,
wol mei mirre, balsem, ek
mei fruchten, dy’t ik iten ha,
in oarde sûnder rôf:
fergees drink ik de wyn
en molke, want do skinkst dy my;
kom freonen, kom der ek mar yn,
de leafde makket dwyl.

Yllustraasje ‘It hôf’