Lieders as ferlieders

fan ûnbekend*
Jesaja

Sa leit it lân derhinne:
Juda dy’t al fallen is,
Jeruzalem stiet altyd noch,
mar stoart mei gauwens yn,
omdat de lieders heechop rinne,
delsjogge op it sljochte folk,
’t útknipe om it alderlêste
derút te sûgjen, mar omdoch…

… want sjoch, dan komt de Heare,
dy’t wol sjocht wat fallen is,
Hy rjochtet op en lit it rjocht
syn gong gean tsjin harren yn
dy’t as ferlieders ’t rjocht opkeare
en hinne wâdzje oer it folk,
ferrinnewearje dizze wyngerd,
it plak dêr’t wurke waard mei nocht.

* Foto ‘Wyngerd’