Libje fan griente en wetter

fan ûnbekend*
Daniël

De namme Daniël seit al:
myn rjochter is de Heare;
mei syn trije freonen
hold hy ’t joadske libben fol.

Sy wegeren it rike miel
en ieten inkeld griente,
dronken wetter, namen
net oan Babelsk oerfloed diel.

De fraach wie: bleauwen sy wol sûn
of kamen sy de kening
ûnder eagen lykas
lijers oan it kweade bûn?

De kening wie de rjochter net,
koe harren dus net keare:
geast en lichem wûnen,
hawwe ’t mei Gods stipe ret.

* Yllustraasje ‘Wegering fan Babelsk miel’