Hân- en fuotwurk

admin

oktober 3, 2016

Hân- en fuotwurk

fan Jan de Bray*

Ien kear wie de klim mislearre,
want doe sloech de dea wreed ta,
sadat Gods arke bleau yn de bedelte;
David woe it sa net ha:
‘De Iene lit om ’t hânwurk stjerre.’

Trije moannen joech de Iene
’t goede libben ûnder ’t dak
fan wa’t de soarch hie oer de stille arke;
David woe de klim nei ’t plak
dêr’t letter tûzen dakken wiene.

Yn it wyt sloech hy de snaren
oan, in staasje mei muzyk
en op dy mjitte waard de arke droegen;
David wie oan elk gelyk,
mei fuotwurk hat er him doe warre.