Gjin rjocht te finen

fan ûnbekend*
Jeremia

De strjitten fan Jeruzalem,
sjoch dêr, nim alles yn dy op
en sykje ek de pleinen ôf
oft ek mar ien te finen
is om oaren rjocht te dwaan,
de stêd sil Ik dan it ferjaan.

Op strjitte hear Ik wol in stim:
‘Der wurdt in eed dien op de Hear,
sa wier Hy libbet, dy is falsk;
Jo wolle sjen wa’t earlik
is; hoewol’t Jo minsken slaan,
sy sille ’t rjocht gjin romte jaan.’

Ik seach op strjitte lytse lju
dy’t net it measte wisten fan
de rjochte wei, wat koene sy
der dan oan dwaan? Mar better
wist wol al dat folk dat grut
is, mar gjin ear hat foar myn wurd.

De liuw komt dêrom út it wâld
en út ’e steppe draaft de wolf,
de panter strúnt rûnom de stêd,
ferskuort wa’t dêrút komme,
sy gean yn tsjin ’t rjochte wurd,
wat foar it rjocht de ein betsjut.

* Foto ‘Wolf’