Deastraf foar Suzanne

oktober 24, 2016

De rjochters kamen del
en soargen foar in soad kabaal,
Suzanne wie net mear yn tel,
sy telden dûbel mei ’t ferhaal.

De leagen kaam derút
as wierheid sûnder har ferwar:
it spul gie fierder as in tút,
it hiele barren wie te bar.

Suzanne hie gjin each
foar rjochters sûnder rjocht en ear,
hoewol’t sy leine har in leach,
hie sy fertrouwen yn de Hear.

It kaam ta dit beslút:
de deastraf foar de frou as hoer;
Suzanne rôp har ûnskuld út:
‘It ûnrjocht, Heare, is my oer.’

Recente berichten