Brief oan de Korintiërs 14

fan Rembrandt*

Ha ’k der ferkeard oan dien
om ’t boadskip fan de Hear te bringen?
Ik die net alles mei ferstân,
jim moatte dat ferneare kinne.

Ik ha myn bêst wol dien,
wat komt fan God, net myn fertsjinste,
mei jimme ha ’k in hechte bân,
hoe soene wy ’t oars rêde kinne?

Dochs sit ik wol yn noed
oer nep-apostels, dy’t sabeare
it boadskip bringe fan de Hear,
har eigen hear om jim te winnen.

Jim hoege net yn noed
te sitten dat ik soks net keare
kin, mei myn kennis komt it klear,
úteinlik sil ús Hear it winne.

* Rembrandt (1606-1669)
Skilderij ‘Apostel Paulus’