Brief fan Antiochus Epifanes

fan ûnbekend*

Foarst Antiochus Epifanes
liet in brief útgean nei elke stêd,
dy’t spriek fan syn totalitêre macht:
de wyn derûnder,
draaie as in blêd,
dus jou op kenings wurden acht:

Ien foarst , ien folk, ien wet, ien god,
foar allegear deselde seden,
de sabbat komt net mear oan bod,
in barge-offer foar de frede,
ûnrein komt yn it plak fan rein,
de soannen wurde net besnien,
god Zeus sil troanje yn de timpel,
mei jim eigen Heare God is ’t dien
en dêrmei is no alles sein,
sjedêr it keninklike stimpel.

It wie in wet foar alle folken,
mar koe Israel it dêrmei dwaan?
Der kaam in skieding tusken wol en net:
’k Jou my derûnder.
Ik sil my net jaan…
hy hat syn eigen stimpel set.

* Yllustraasje ‘Barge-offer’