Bisteftige keninkriken

fan ûnbekend*

Daniël wie yn betizing
oer de bylden dy’t er seach
fan fjouwer ûnfoech grutte bisten,
fan de himel kriich er ûnderwizing.

Fjouwer foarsten út ’e ierde
wei regearren mei in hân
dy’t sloech, ferskriklik wie it fjirde,
syn bewâld soe nei de delgong fiere.

Iuwenlang soe dat ryk duorje
mei tsien foarsten op ’e troan,
nei harren kaam in wrede kening,
want hy soe syn tiid mei liken fuorje.

Dêrnei kaam in folk dat hillich
leaude yn de heechste God
en yn in keninkryk dat ivich
duorre mei in foarst foar rjocht reewillich.

Daniël, feralterearre
troch de útlis dy’t er kriich
oer bisten, grutte keninkriken
rekken him, hy tocht oan allegearre.

* Yllustraasje ‘It fjirde bist’