november 1, 2021
Se litte los as wie ’t foargoed
dat alle hoop ferfleane soe,
gjin sicht der wie op ’t paad
dat nei de takomst rint…
as bleau it by hol klinkend praat.
Se prate der al jierren oer
mei wurden yn in hege flecht
dy’t misse ’t krekte paad
fan aksje dy’t goed rint…
it giet no ienkear om ’t klimaat.
Sjedêr de lêste dy’t noch bloeit,
in wite tusken ’t grien fan hoop…
slacht men op him regaad?
Sjoch hoe’t it sicht it wint
fan inkeld praat oer it klimaat.
oktober 31, 2021
fan ûnbekend*
Wat jout mear wissichheid as goud,
dat blinkt de lju ljocht yn de mjitte
dy’t geane foar it kapitaal,
mar komt de krisis swart yn byld,
dan moatte sy ’t ek lizze litte.
Bank Credit Anstalt** koe net mear
kredyt jaan en doe ek net krije,
it waard de ein fan it ferhaal
fan jild dat oer de ierde spielt…
de earmen moasten ’t earst belije.
De krisis krong nei Ingelân,
net langer waard it pûn wurdearre,
it goud blonk mear as ’t kapitaal,
dus kaam dat foar ’t regear yn byld,
de munt waard sterk devaluearre.
De krisis rûn doe út ’e hân,
sloech ta fan Iislân oant Itaalje,
wurkleazens waard it doemferhaal,
de flok fan hoe’t it is ferdield…
de earmen krigen op ’e faalje.
* Yllustraasje ‘goud’
** Bank yn Eastenryk