Posted by admin

Se hiene it noch wurde kind,
De Lemmer of De Jouwer of It Fean,
de Fryske kampioen,
se hiene as de bêste fearn,
mar wa’t noch better is, dy wint.

It hie it ek noch wurde kind,
it Grouster skûtsje yn in turbotrim,
de nasjonale kampioen,
dy oare skipper wie te slim,
want wa’t noch better is, dy wint.

Hy waard it, dêrmei wie it út,
de Snitser Pan yn foarm mei turbogong,
de ynternasjonale kampioen,
de superskipper wie noch jong,
kriich dus fan Erica in tút.

Dêr stekt er as de heechste op
foar ’t eigen folk, tichtby de pier,
hjoed sil it grif wer heve,
mar foar ’t winnen is it noch te ier.

De liuw hat fjochtsjen yn de kop
en stekt ek op, leit like skraal,
hjoed sil er ien lansearje,
foar de Lemsters is ’t in tryst ferhaal.

It wurdt in botsing, kop mei kont,
de liuw stjit op it Lemster roer,
dat Jelle* wurdt lansearre,
earst de loft yn, dan de weagen oer.

Wol santich hynders lûke him
oan board, de skipper, net ferslein,
sylt troch, mar ’t sil net heve,
want de liuw hat him it near oplein.

* Jelle Reyenga