Posted by admin

Weromsjen nei Jeruzalem

fan Rembrandt*
Jeremia

Ik, Jeremia, as profeet
sjoch ik werom op wat der bard is,
dat Gods folk fan syn ferline wit,
nêst freugde hearsket heech it leed.

Kening Sedekia hearske
net sa’t hearde, dat Jeruzalem
en Juda kamen yn ellinde
troch de macht fan Babelsk foarst:
honger hearske rûnom yn de stêd,
sadat de mem ferlear har bern;
de kening flechte mei syn soannen,
wat Babelsk foarst net sinde:
foar de eagen fan de heit
waard soan nei soan de dea ynjage,
Sedekia waard nei Babel fierd
as bline balling, boeid de hannen;
wa’t noch eagen hie, koe sjen
wat barde mei Jeruzalem:
de muorren kamen rûnom del,
paleis en timpel brânden ôf,
goud en sulver waarden meifierd;
it like as yn ’t lêste fan de dagen:
hearskers wiene eangst, panyk en dea,
wa’t oerbleau, wie djip yn de rou.

* Rembrandt (1606-1669)
Skilderij ‘Jeremia treurjend om Jeruzalem’