mei 21, 2026
fan ûnbekend*
Sy spylje net foar akrobaten,
mei it sicht op hiel wat oars
begjinne sy te klimmen,
hâlde har bêst yn balâns,
gjin boer ûntnimt har dizze kâns.
De geiten frette alle fruchten
fan de arganbeam, in miel
de muoite wurdich om te
klimmen, want it smakket bêst,
gjin lichem hâldt de siedden fêst.
De boeren sammelje de siedden,
parse dêr de oalje út,
de muoite wurdich om te
sykjen by de beammen lâns,
gjin geit ûntnimt har dizze kâns.
Gjin boer hoecht yn de beam te klimmen,
want dat docht foar him de geit,
foar wa’t de beam de fruchten
leveret, gjinien wurdt lêst,
de syklus stiet as beam sa fêst.
* Foto ‘Geiten yn in arganbeam, Marokko’
mei 16, 2026
Balt net mei de joaden
dy’t op it politike festival
mei fûsten op ’e tromme slaan,
wylst Libaneeske bern krepearje,
wit dat al dy moarden
liede sille ta de fal.
Wit dat twa akkoarden
falsk klinke op it joadske festival:
yn Gaza en yn Libanon
wjergalmje gjalpen fan de deaden,
harkje dat dy moarden
liede sille ta de fal.
Stjoer hjoed noch dy boaden
nei de finale fan it festival,
de geasten fan fermoarde bern,
warskôgjend foar it Armageddon,
want dy bernemoarden
sille liede ta de fal.