september 29, 2019
fan ûnbekend*
Kin in frou in Mozes wurde,
de Mozes fan it slavefolk?
Se hat nei frijheid stribbe,
wie fan rjochtfeardigens de tolk
en fierde swarten nei nij libben.
Yn ’t paleis hat sy net wenne,
sy bodde op har eigners grûn,
hie sels gjin eigen libben,
waard slein, noch hurder as in hûn,
de nacht wie lang troch seare ribben.
Lykas Mozes is sy flechte,
ûntsnapte út ’e slavesel,
mar kaam werom foar oaren,
dy’t helle waarden út ’e hel,
sa hat sy har bestean feroare.
Harriet koe Mozes wurde,
in frou mei likefolle moed
rûn yn ’t bestean nei foaren,
kriich yn ’t beloofde lân de groet
fan Him dy’t hiel de wrâld feroare.
* Stânbyld fan Harriet Tubman yn Little Rock’
september 28, 2019
fan ûnbekend*
Oan Timoteüs, myn soan yn ’t leauwe,
fan Jezus Kristus’ boadskip wis;
fan Paulus, roppen troch de Hear,
dêrfoar hie hy it mis.
Wreed ha ik de kristenen ferfolge,
mar Kristus is oan my ferskynd,
dêrnei wie ’k foar syn boadskip klear,
wat men dêr ek fan fynt.
Witst, Timoteüs, dat ik dy frege:
‘Wolst langer bliuwe yn de stêd
om tsjin te gean de falske lear,
dy’t faaks it oars wol rêdt.’
It binne learaars dy’t de wetten
ferkundigje op har manier,
se snappe ’t sels net, jouwe kear
op kear har wurd foar wier.
Dus, Timoteüs, ferbied har fabels,
do witst wol, it is praat-fan-neat,
wy binne mei dat boadskip klear,
it is ta leechte keard.
* Ikoan ‘Timoteüs’