oktober 27, 2019
fan ûnbekend*
fan ûnbekend**
Hat de pappegaai him ynspirearre,
fûgel mei de minskerop,
om Tarzan slingerje te litten?
De aapmins hat gjin apekop,
sil yn it oerwâld noch net stjerre.
Yn it oerwâld kaam er jong terjochte,
berne as aristokraat,
hat hy fan dat komôf net witten,
waard mei de apen bêste maat,
dy’t him ta grutte hichte brochten.
Troch beweging kriich er sterke spieren,
dy’t him brochten op it plak
dêr’t hy syn lea- en breinkrêft mjitte
koe mei de apen, mei gemak
wûn Tarzan ’t altyd fan de dieren.
Hat de pappegaai him ynspirearre
mei de skrille oerwâldsrop
om yn ’t bestean net stil te sitten?
De aapmins klimt sa nei de top
en sil foar ’t minskdom noch net stjerre.
* Foto ‘Edgar Rice Burroughs’
** Yllustraasje ‘Tarzan’
oktober 26, 2019
fan Hendrik dewith*
Timoteüs, it komt der wol op oan
yn ’t lêste fan de dagen
as minsken domdryst gean
har eigen leafdeleaze wei…
do nimst it goede paad, myn soan.
Myn foarbyld hasto folge, leafdefol
yn hâlden en yn dragen,
ek yn ’t dragen fan de lêst
fan alle noeden op ús wei:
ferfolging easket op in rol.
Timoteüs, bliuw trou oan Kristus’ lear,
dan sil it foar dy daagje
hoest de wei wiist fan behâld,
jou dysels mei ’t evangeelje wei,
dan wurdst beholden troch de Hear.
* Ut ’e samling fan Hendrik dewith
Yllustraasje ‘Timoteüs lêst de brieven fan Paulus’