Willem Tjerkstra’s thússide
admin

Brief fan Petrus 6

Bibelbylden

fan ûnbekend*

Hoeders hawwe hert foar skiep
en komme foar de keppel op,
as âldsten binne jim ek hoeder;
spylje oer it godsfolk net de baas,
in hoeder mijt it hege krop.

Nim de foarstap, ’t moat sa rinne,
dan sille jim de krânse winne.

Jongelju, wit wol jim plak,
de âldsten rinne foar jim út
om elkenien it paad te wizen,
wês beskieden, doch ’t net mei geraas,
de hoeder nimt foar jim ’t beslút.

Kom mar mei, dan sil it rinne,
de hoeder wit foar wis wêrhinne.

* Yllustraasje ‘Hoeder mei keppel’

admin

Kandoules en Gyges

Mytebylden

fan William Etty*

Elk makket fan in barren syn ferhaal
op grûn fan it gefoel,
dat nei it feit de haadrol spilet,
’t giet mei oare spilers oan de haal.

Kandaules wie fan Lydië de foarst,
hie oer syn frou ’t gefoel
dat sy de moaiste wie op ierde,
dêrom siet hy op ’e troan mei ’t boarst…

… foarút en tocht er oer in wis bewiis:
hy stjoerde Gyges út
op ûndersyk, hy moast har neaken
sjen, wat wie de keningin in griis.

Sy sette Gyges foar in drege kar:
‘It wurdt dyn eigen dea
of do fermoardest hjoed Kandaules,
troust mei my en bist as foarst oan bar.’

It rûn op trouwen en op kening út,
want wa kiest foar de dea?
Der wie gjin kar foar foarst Kandaules:
Gyges naam in keninklik beslút.

Lit Herodotos mar mei syn ferhaal
it feit fertelle fan
de wrede dea fan foarst Kandaules,
oaren dogge dat op eigen skaal.

* William Etty (1787-1849)
Skilderij ‘Gyges sjocht de keningin’

Archieven

Zoeken

  • Categorie

  • Datum