juli 23, 2020
fan Vincent van Gogh*
Sy stiet yn de doar
en hat de dei de rêch takeard,
it wrotten binnen sit derop,
no hat sy ’t each op bûten
mei it jûnsread oan de loft;
sy heart in fûgelrop
dy’t oer de nacht al beart,
mar dochs bliuwt sy noch stean…
in útsicht as gjin oar.
Sy stiet foar it rút,
’t gesicht hat sy nei bûten keard,
om’t binnen har al lang ferfeelt
mei oars net as de oeren
fan itselde dit en dat,
de fraach is wat har skeelt,
sysels fynt, it is neat
wat har foar eagen stiet,
sy sjocht op muorren út.
* Vincent van Gogh (1853-1890)
Skilderij ‘Pleatske yn Nuenen’
Skilderij ‘Huzen yn Antwerpen’
juli 22, 2020
fan ûnbekend*
In oare ingel seach ik kommen,
strieljend en mei grutte macht;
doe’t syn stim de wrâld oer klonk,
is al it oare lûd ferstomme:
Fallen is it grutte Babylon
fanwege ’t wenplak fan kweageasten,
dy’t skonken de ûnreine wyn
fan huorkerij foar alle folken,
foarst en keapman dronken ’t measte.
In oare ingel liet him hearre:
Fal net mei it grutte Babylon,
myn folk, sa sille jim net libje,
gean by dy huorkerij rap wei;
skink foar dy hoer noch folle sterker
drank, men sil de fal belibje.
* Russyske gravuere ‘Hoer fan Babylon’