april 25, 2021
fan ûnbekend*
It klinkt as ’t skot fan in gewear,
de namme fan de Ku Klux Klan;
it uterlik hat wat fan spûken
dy’t oer strjitte paradearje,
sa de oandacht lûke.
It lêste skot fan it gewear
hie klonken: ’t startskot fan de Klan
as blank protest tsjin alle swarten
dy’t as slaven wrotten hiene…
op ’e nij wer koarte.
De Ku Klux Klan kaam yn ’t gewear
tsjin swarte, kleurling, katolyk
en kommunist, ek ymmigranten
wiene yn har lân net wolkom…
haat nei alle kanten.
Op ’t hichtepunt, doe wiene mear
as fjirtichtûzen op ’t kongres,
de djipte wie de arrestaasje
fan de lieder nei ferkrêfting…
sjittend út ’e graasje.
Foto ‘Ku Klux Klan parade yn Washington’
april 24, 2021
fan ûnbekend*
Jesaja
De ierde leit der treurich hinne,
want de hiele wrâld ferkwynt,
it minskdom hat de grûn ferwâde,
Gods oarderingen skeind,
der bliuwt neat oer wat noch ferbynt.
De Heare spjalt de ierde iepen,
dat de hiele wrâld wurdt leech,
yn ’t minskdom bliuwt neat by it âlde,
it wurdt net langer heind,
it folk fersillet, hat it dreech.
God keart de ierde ûnderst boppe,
folk en pryster treffe ’t lot,
itselde jildt foar hear en slaven,
slavinnen en har frou,
sy wâden oer de wet fan God.
Yllustraasje ‘Fernielde ierde’