juli 12, 2021
Foar pampus leit er, sûnder wurk,
gjin minske bringt er ’t wetter oer
om al syn sinnen te fersetten,
mar ien sin bliuwt oer fan dat gehiel:
lit dy op ’t eilân net besmette.
Mar ast allinnich bist, swim dan
dêrhinne, op in eilân rinst
gjin risiko, fersetst dyn sinnen
solo mei it lichem en de siel,
korona sil de slach net winne.
Hast al dyn sinnen har gerak
jûn, stap dan by it skip oan board
dat hjoed in protte grûn fersette
sil om op te smiten, diel nei diel,
in eilân neffens oerheidswetten.
juli 11, 2021
fan ûnbekend*
fan Le Corbusier**
Le Corbusier, syn nije namme,
kaam út syn ferline wei,
op grûn fan dy fan beppe
boude hy foar it takomstich skaai.
Fan Switserlân nei oare lannen,
oeral fûn er wat hy socht:
de keunst om op te skeppen,
wat him yn Parys, de ljochtstêd, brocht.
Hy hat de wite wenning skôge
oan de Middellânske See,
noch yn de styl fan beppe,
wat er waarnaam, sette by him stee.
It kaam wer los op skilderdoeken:
foarmen altyd like krekt,
hy koe ferskillend skeppe,
waard it meast ferneamd as arsjitekt.
Le Corbusier, syn nije namme,
bleau net altyd like skjin,
wat lei net oan syn beppe:
’t nije wie net nei it âlde sin.
* Foto ‘Le Corbusier’
** Fila ‘Notre Dame du Haut’
