augustus 1, 2021
fan ûnbekend*
In plan wiist nei de takomst ta
om troch te wurkjen nei in ideaal:
safolle yn in koarte tiid,
it giet op ’t lêst om kwantiteit,
it grutte kapitaal.
It kaam fan Stalin, hy woe ha
dat lytse boeren yn it grut
mear leveren yn koarte tiid,
it gie net mear fan heit op soan,
de wet hie ’t lêste wurd.
It moast net lykas ’t wie, mar sa:
de lytse boer yn it fabryk,
gjin útsicht mear op wiid en siid,
it kaam sa op produksje oan,
oan ’t ideaal gelyk.
Gjin minske is der mar op ta,
elk libbet mei syn eigen lyts ferhaal,
dat hy fertelt, elk op syn tiid,
it giet op ’t lêst om kwaliteit,
in heger ideaal.
* Foto ‘Mei Stalin’
juli 31, 2021
fan Jezusmariagroep*
Jesaja
Sjedêr myn tsjinstfeint
dy’t My boppe alles giet
en dêr’t Ik achter stean,
myn Geast ha ’k yn him jûn,
sadat hy foar it kniesde stiet.
Hy sil net raze,
roppe sil er likemin,
de strjitten galmje net
fan wat syn boadskip is,
foar him hat grut fertoan gjin sin.
Gerjochtichheid is
wat er ’t heidenfolk sjen lit,
it kniesde reid sil hy
net brekke, ’t flamke lit
er brâne, blaast net út de pit.
Hy sil net wifkje,
rekket ek net kniesd foardat
gerjochtichheid it wûn
hat yn de hiele wrâld,
syn lear komt yn elk lân oan bod.
* Yllustraasje ‘Tsjinstfeint’