augustus 22, 2021
fan ûnbekend*
Baktearjes op ’e buorkerij,
ûnsichtber, net te tellen,
Alexander wist hoefolle kij
der wiene om te melken.
Foar sike kij in medisyn,
it gie ek op foar minsken,
Alexander seach ’t belang wol yn
fan ’t deadzjen fan baktearjes.
Soldaten rekken út ’e striid
mei wûnen, troch ynfeksjes
rekke mannichien ek út ’e tiid,
sa wûnen de baktearjes.
Mar Alexander kriich de kâns
om wrâldwiid te genêzen
mei in skimmel, stridend foar balâns,
de dea fan de baktearjes.
Lit Alexander nei syn dea
de deastek jaan oan ’t firus,
dat him oer de wrâld ferspriedt as ea
tefoaren de baktearjes.
Foto ‘Alexander Fleming’
augustus 21, 2021
fan Jesaja*
De Heare hat no dit te sizzen,
Hy dy’t Jakob skepen hat
en stal jûn hat oan Israel:
Loskocht ha Ik hiel myn folk,
dat by de namme neamd is,
sit net yn noed, want it is wis
datst wer yn tel bist.
Al moatsto roch it djipste wetter,
troch rivieren hinne, Ik
bin by dy, fuortspield wurdsto net;
ek al giesto troch it fjoer,
de flammen sille dy net
ferskroeie, troch de Hear wurdst ret,
omdatst yn tel bist.
As lospriis jou Ik trije lannen
dy’t dyn plak ynnimme, want
do bist it wurdich, Israel;
út it easten komme wer
dyn bern, it westen, noarden
en ek it suden litte sjen
datsto yn tel bist.
* Yllustraasje ‘Troch it wetter’
Yllustraasje ‘Troch it fjoer’
