april 28, 2025
fan ûnbekend*
Mei roeien in Olympysk kampioen
en letter wie er bernedokter,
roeide tsjin de streaming yn
fan fier de bern mei hurde hân
de maatskippij yn, gjin gegryn!
As Benjamin hat hy it foarbyld jûn:
de jongste hat de leafde nedich
fan de âlders, mar ek bern
dy’t âlder binne ha ferlet
fan eagen om har oan te sjen.
Want wa’t it bern oansjocht, slút in ferbûn
om leafdefol him grut te bringen,
dat er as persoanlikheid
de maatskippij in tsjinst bewiist,
gefoel rint lykop mei it feit.
In feit wie dat de maatskippij him bûn
oan hanneljen mei sloppe hannen,
nedich is in hurde hân,
want dat bewiist de oarloch
yn Vietnam, sa’n slach bringt wat ta stân!
* Foto ‘Benjamin Spock mei pakesizzer’
april 26, 2025
fan ûnbekend*
Twa froulju dangelen nei Washington,
ferbjustere oer wat der sa al barde
yn har lân fan dream en winsken,
dêr’t de hannel rûn op jildsucht út
mei bitcoins sûnder dat der bidden
waard foar deagewoane minsken.
In man, foar harren doe noch ûnbekend,
kaam ûnferwachts dy froulju op ’e side,
sûnder dat it mei har spoarde:
‘Op en del fier ik myn plannen út,
fertel my net wêr’t jim ’t oer hiene,
ik stel priis op jild en Joaden.’
De froulju sprieken wol har soargen út
oer Gaza, Israel en Oekraïne,
wat mei Kristus’ dream net spoarde,
op en del seach hy de froulju oan:
‘Fertel my net wat jimme miene,
ik bin freon fan jild en Joaden.’
Dy trije kamen oan yn Washington,
ynienen giene twa de eagen iepen
foar syn troanje, net te leauwen
dat er delsjocht op ’e minskewrâld,
gjin each hat foar wat oaren dogge,
wat kin ’t minskdom dan noch leauwe?
Yllustraasje ‘Donald Trump’