december 5, 2021
fan ûnbekend*
Gjin see kin ’t leger keare
as it stribjen is de macht
oer lange grinzen hinne,
langer as it eigen lân…
de macht is oan de hearen.
Soldaten moatte sjitte
op kommando fan de macht
dy’t út is op it winnen
fan gebiet yn fijâns lân…
de hearen kinne ’t witte.
Japanske hearen jouwe
inkeld op Sinezen acht
as sy har skikke wolle
nei it fjoer fan ’t bruorrelân…
de broers dy’t skeine frouwen.
Gjin sekken kinne keare
’t stribjen nei de heechste macht
dat spûket yn de hollen
fan hearen yn it heitelân…
sy wurde dekorearre.
* Foto ‘Sinezen achter de barrikade
yn de Japansk-Sineeske oarloch’
december 4, 2021
fan ûnbekend*
Harkje skerp en kom by My
om wetter, want wa’t toarst hat, telt foar twa,
kom sûnder jild, jim krije nôt
fergees en wyn en molke derop ta.
Jou jim jild net út foar wat
gjin brea is, ’t lean net foar sabeare sied,
myn miel foar jim is goed genôch,
it ierdske heil dat Ik myn gasten bied.
Altyd troch giet myn ferbûn
mei jim, lykas Ik David trou tasei
en oer de folken stelde, sa
kom Ik foar jim ek myn belofte nei.
Foto ‘Miel’