januari 9, 2022
fan ûnbekend*
fan ûnbekend**
Marinus van der Lubbe
hie problemen mei it sjen,
mar skôge as in wiere kommunist
it ûnheil dat de nazi’s brochten,
úteinlik hat er it ferlern.
Marinus van der Lubbe
liet him yn de Ryksdei sjen,
mar oft hy doe al fan it ûnheil wist,
de brân, dêr’t sy him fan fertochten?
Fan Hitlers clan wie hy gjin fan.
Marinus van der Lubbe
koe ’t proses net goed oersjen,
apatysk harke hy en wist: dit is ’t,
de útspraak wie wat sy al tochten,
syn libben wie doe al ferlern.
Marinus van der Lubbe
waard ûnthalze, mear as fan
fan ’t kommunisme as om wat er wist
fan wêr’t se him falsk fan fertochten,
úteinlik hat er it ferlern.
* Foto ‘Marinus van der Lubbe’
** Foto ‘Brân Ryksdei’
januari 8, 2022
fan ûnbekend*
Jesaja
Nee, de earmen fan de Heare
binne net te koart,
dêrmei wol Hy jim rêde;
syn earen binne net te staf
om nei jim noed te hearren,
mar wat is der bard?
Ja, jim ûngerjochtichheden
soargen foar in daam
dy’t Gods leafde kearde;
de hannen sitte ûnder ’t bloed,
fan ûnrjocht drippe fingers,
skuld treft feint en faam.
Oer jim lippen komme leagens,
wylst de tonge al
beweecht foar falske wurden;
jim briede aaien fan de slang
út, dêrút komme njirren,
krûpend nei har hol.
Lykas spinnen dogge, weve
jimme reagen, mar
dêr kinst gjin klean fan meitsje;
jim weven is dus ûnheilswurk,
jim plannen tsjûgje dêr ek
fan, wyld yn de war.
* Foto ‘Spinreach’