februari 20, 2022
fan ûnbekend*
fan ûnbekend**
Marsjearje as de Sturmabteilung,
slút jim oan, marsjearje mei,
wy binne mei miljoenen,
swarre trou oan de partij
fan Adolf Hitler, fjurrich Führer,
wy binne wreed as wylde hûnen.
Marsjearje lykas de Schutzstaffel,
slút jim oan, marsjearje mei,
wy binne Hitlers liifwacht,
hûnstrou dus oan de partij
en fiere út wat seit de Führer
mei messen yn de reade liifnacht.
Schutzstaffel tsjin de Sturmabteilung,
nim de lange messen mei,
want yn de nacht sil ’t heve
op befel fan de partij,
ta gloarje fan de skerpe Führer,
om mei SA-ers ôf te weven.
* Foto ‘Sturmabteilung’
** Foto ‘Schutzstaffel’
februari 19, 2022
fan ûnbekend*
Jesaja
Myn profesy berikt de ein,
ik ha myn lûd jim hearre litten
oer it paad dat rint nei ’t kwea
en fan de wei nei ’t goede ta,
dêrmei is noch net alles sein.
De Heare hat it lêste wurd:
‘Ik kom om folken by elkoar te
bringen om myn hearlikheid
te sjen, dit teken komt har ta,
de romte op myn berch is grut.
Ik stjoer myn tsjinners derop út,
de wrâld yn nei de heidenfolken,
dat myn hearlikheid dêr klinkt,
dan mei elkoar nei Sion ta,
dêr’t ik myn hearlikheid ûntslút.
Jim namme bliuwt foargoed bestean,
lykas de himel en de ierde
foar myn eagen nij ûntstean
en al wat libbet, komt derta
om biddend ta My op te gean.’
Foto ‘Sion’