juni 27, 2022
It hat wat fan de finish,
mar it is noch withoefier
foar wa’t de tonge op ’e skuon hat,
’t giet oer asfalt en beton
yn dizze mar-aton.
It sit ferpakt yn plestik:
enerzjy dy’t wjukken jout
om nei de finish ta te fleanen,
frij fan asfalt en beton
yn dizze mar-aton.
Ald sear is achterlitten,
blierren wurdt net mear oan tocht,
wat ôffoel, liket wol op fleanen,
mar gjin draver krijt in bon
yn dizze mar-aton.
juni 26, 2022
fan ûnbekend*
fan ûnbekend**
As blanken iuwenlang oerhearskje,
komme swarten foar it ljocht
om sjen te litten hoe’t sy binne:
swart mei yn de ieren ’t reade bloed
dat brûzet om respekt te winnen.
Elijah sil it folk oproppe
om de ‘Nation of Islam’
te sjen as ’t ljochtsjend lân fan alle
swarten, dêr’t gjin blanke set in foet,
dat is wat swarte moslims wolle.
Lit Malcolm X, Muhammad Ali
ek de swarte striid oangean,
dan sil de ‘Islam Nation’ winne,
mar de bokser hat al gau besjoen
hoe’t swarten ek ferdiele kinne.
Elijah docht it mei mear frouwen,
slyt de iene nei de oar…
kin men sa’n lieder noch fertrouwe?
* Foto ‘Elijah Muhammad’
** Flagge fan ‘Nation of Islam’
