augustus 5, 2022
fan ûnbekend*
Wat stelt Taiwan eins foar
ferlike mei broer Sina?
It eilân telt net iens foar twa
en is ôfhinklik fan in oar.
De wolken komme oer,
feroarje yn in dize,
sadat de mar noch net te sjen
is… komt de sinne op ’en doer?
De skiednis jout beskie:
lang libje dêr de Tao’s
mei timpels dy’t noch takomst ha,
de goaden biede oan har rie:
‘De sinne jout de kâns
om yn de mar te swimmen
in wedstriid mei it karnaval,
de geast en ’t lichem yn balâns.’
De moanne brekt by nacht
ek troch… wat soe broer Sina
dan as Taiwan noch swimme kin,
it eilân hat it yn de macht.
* Foto ‘Boppe Sun Moon Lake’
augustus 4, 2022
’t Is in boat, it kin net misse,
mar de okse, is dy ek oan board
om oan te moedigjen de liuw,
dy’t striidber oer de weagen draaft,
mar hjoed net út is op in moard.
Botuline mei toxine,
wittenskiplik praatsje by Langwar,
de spieren reitsje dêrmei slop,
sadat de spanning minder wurdt
op Bootox, oars is ’t rap te bar.
Mar op Grou en op De Jouwer
wurde spieren gjin momint te slop,
dêr rint de spanning al gau op,
de liuw spant him wat minder yn,
de okse hâldt it mei de top.
* Foto ‘Bootox’
** Foto ‘Grou en De Jouwer board oan board’
