november 13, 2022
fan ûnbekend*
In frou fan kwizekwânsje,
sammelster fan kleare keunst,
sy wie net gau tefreden
oer it keunstich ûnderdak,
de arsjitekt ferlear har geunst.
Har rykdom joech garânsje
foar in libben yn ’t kwadraat:
har grûn fan kante meters
waard it museäle plak,
har park kaam ek noch op ’e kaart.
Har sakepartner Kröller
brocht syn jild en namme yn,
stie bûten de relaasje
fan syn frou mei pinnemaat
Van Deventer, oar praat wie wyn.
Har favoryt wie Hitler,
troch syn krêft wûn hy de geunst,
har lân waard wer in naasje
fan belang, grut op ’e kaart,
al wie it ek mei swarte keunst.
* Foto ‘It pear Kröller-Müller’
november 12, 2022
fan ûnbekend*
Jeremia
‘De dreamen fan profeten
binne falsk, net nei myn wurd,’
sa seit de Hear,
‘troch sa’n optochte dream
ferjit it folk myn wiere lear.’
‘Dus pak Ik dy profeten
oan, want praat komt nei de dream,’
sa seit de Hear,
‘sy jouwe leagens út
foar dreamen, ’t folk ken my net mear.’
‘Gjinien kin him ferskûlje,
want Ik bin tichtby en fier,’
sa seit de Hear,
‘de hiele ierde nim
Ik yn, de himel sjongt myn ear.’
Yllustraasje ‘Ierde en himel’