november 25, 2024
In Rus dy’t sprekt fan heech ferrie
dat troch it westen plak fûn hat
al tûzen dagen en noch mear,
troch hannen fan in lân te binen
dat foar syn frijheid folop striidt,
dy Rus sprekt goed oer Oekraïne,
roppend tûzen kear om help
fan ’t westen rjochte op it easten,
fjoerkrêft oer de grins de fierte yn
om de agressor del te slaan,
de heechste Rus dy’t kreamet út
wat net strykt mei syn ferline
as moardner fan de frijheidsheld,
de Rus dy’t spriek syn folk skerp oan
oer wat dy lege Rus mis die.
november 24, 2024
fan ûnbekend*
fan Shakespeare’
Kin Shakespeare ynspirearje Churchill
middenyn Europa ’s striid?
Syn drama waard yn byld brocht,
dat it folk wer útsicht joech
op oars wurdt ek ús tiid.
Sjocht hoe’t de fiifde Henry reagearre
yn de striid fan hûndert jier:
hy woe ek foarst fan Frankryk
wurde, wat wer útsicht joech,
de tiid wie earder skier.
In drama kin it folk feroarje,
dêrmei ek in wrâldsk toaniel,
wat Shakespeare iuwen letter
oan syn eigen folk noch joech…
de film krong yn de siel.
* Yllustraasje ‘Shakespeare’
** Yllustraasje ‘The life of Henry V,
earste blêd’
