februari 9, 2023
fan Grigori Grigorjevitsj Gagarin*
Se binne oan de hichten wend,
dy’t har it sicht ûntnimme
op wat oandriuwt fan de kym,
de bui dy’t ûnferwachts ferriist…
wa doart dan noch te klimmen?
Se binne ek oan ’t streamen wend,
it kolkjen fan it wetter,
dat net oandriuwt om dêrtroch,
it is de plicht dy’t harren wiist
it paad, der is net better.
It giet earst nei de djipte ta,
it hoars hâldt har op hichte,
dat drûch komme se dertroch,
it is de bui dy’t har oangriist
mei lading nei de lichte.
* Grigori Grigorjevitsj Gagarin (
Skilderij ‘De oerstek fan in rivier
troch berchbewenners’
februari 8, 2023
fan ûnbekend*
Jeremia
Trije bylden fan de Heare
sprieken my bysûnder oan,
beljochten Davids keningskip,
’t gie troch de tiid fan soan op soan.
Der komt in nije tiid fan David,
syn keningskip sprút dan wer út
en soarget yn it lân foar rjocht,
dat Juda kin dan feilich wenje
yn Jeruzalem, de stêd fan heil.
Wa kin de oardering ferbrekke
fan dei en nacht nei Gods beslút?
’t Ferbûn mei David stiet ek fêst,
wurdt troch gjin sterveling ferbrutsen,
dat op heit syn troan komt soan op soan.
Wa kin it leger stjerren telle,
de kerrels sân fan noard nei súd
dy’t oanfierd wurde troch de see?
Safolle neiteam krijt myn tsjinner
David, sa ferskynt in ivich heil.
* Foto ‘Stjerren’