april 16, 2023
fan ûnbekend*
fan ûnbekend**
Edvard Benes, twa kear presidint
fan Tsjecho-Slowakije
mei dêr tuskenyn de oarloch,
as in presidint yn ballingskip
wie hy op ôfstân noch presint.
Adolf Hitler wie him frjemd bekend
as ‘ik sil ’ t lân ek krije
dêr’t Sudete-Dútsers wenje;
sûnder macht stie doe de presidint,
oan Hitler tajaan wie de trend.
Edvard Benes makke ’t plan fan wraak
foar Nazi Reinhard Heydrich,
ien fermoarde tsjin fiiftûzen
boargers dy’t dêrnei út wraak de dea
ynjage waarden, sa gie ’t faak.
Wraak nei wraak, ’t gie nei de oarloch troch
mei etnysk suverjen fan
no de Dútsers, as Sudeten
waarden sy de dupe: moard nei moard,
de rop fan ûnskuld wie omdoch.
* Foto ‘Edvard Benes’
** Foto ‘Deportaasje fan Sudete-Dútsers’
april 15, 2023
fan ûnbekend*
Jeremia
Jochanan koe net de rjochting wize
dy’t foar ’t folk it bêste wie:
Egypte, eartiids ’t slavelân
of bliuwe ûnder Babelsk jok,
miskien wist Jeremia rie.
Jeremia woe wol boade
wêze tusken ’t folk en God,
troch him wie mei de Hear in bân,
kaam dêr de seine troch of flok?
It folk wie rêstich ûnder ’t lot.
Nei tsien dagen kaam it antwurd:
‘Jou jim mar kalm del yn ’t lân
dat ik it folk ûnthjitten ha,
dan bou Ik, brek jim net mear ôf
en plantsje, stek net yn de brân.
Wês net bang foar Babelsk kening,
want Ik rêd jim út syn hân,
gean ek net nei Egypte ta,
dan komme jim grif yn it nau,
it is en bliuwt it slavelân.’
* Foto ‘Woestynpaad’