mei 25, 2023
fan Marc Chagall*
Sy gie net troch foar kreaste
yn it doarp, want dat wie Mad,
sa fûnen earst de measte manlju,
mar gjinien wist fan ’t kritearium…
der wie noch net it heechste bard.
Ynienen klonken stjitten
fan de hoarn en hantsjeklap,
in oprop foar de measte froulju
mei gefoel foar it kritearium
dat fierwei útgie boppe knap.
Sy wie troch ’t hiele doarp gien
as in faam fan stean bern by
dy’t nea de priis fan kreaste winne,
net foldogge oan kritearia
dy’t geane oan de geast foarby.
Sy riisde nei de hichte
mei it bern út eigen geast,
sa gie sy troch foar doarpsmadonna.
* Marc Chagall (1887-1985)
Skilderij ‘De doarpsmadonna’
mei 24, 2023
fan ûnbekend*
Jeremia
De stêden binne slim ferbjustere,
want se hawwe ’t boadskip heard
dat sprekt fan ramp nei ramp,
de eangst giet de bewenners op en ôf,
lykas de see dy’t nea ta rêst komt,
dat har takomst is fertsjustere.
Damaskus hat gjin moed mear, slacht op ’e
flecht en beeft fan skrik en eangst;
as by in frou dy’t krijt
in bern, beset de pine hiel it folk,
de stêd, romroft, leit der ferlitten
by, dit wenplak komt fan boppen.
Jongfeinten falle samar dea op strjitte,
manlju stjerre yn de striid,
de flammen lôgje op
en litte oan Damaskus ’t ûnheil witte.
* Foto ‘Damaskus’