augustus 20, 2023
fan ûnbekend*
It heitelân wie net mear frij
yn ’t eigen dwaan en litten,
hie yn it easten lykwols Ynje noch,
koe dêr de Dútsers ynternearje…
dat ha 231 witten.
De fijân liet it dêr net by,
neat woe hy sitte litte
wat net paste yn syn strategy
fan Dútsers sille oeral hearskje…
dat ha 231 witten.
De learzens stampten net foarby,
hy moast syn hûs ferlitte
sûnder dat er ynternearre hie,
de Dútsers hiene gjin begrutsjen…
dat ha 231 witen.
Wat har te wachtsjen stie, wie nij,
wat sy net sitten seagen
yn kamp Buchenwald, mar ’t wie omdoch,
de Dútsers hiene ’t foar it sizzen,
al wie ’t foar alle finzenen in leagen.
* Foto ‘Poarte kamp Buchenwald’
augustus 19, 2023
fan ûnbekend*
Ezechiël
As minskesoan fernaam ik wyn,
in wynpûst dy’t my meinaam
nei de Easterpoarte fan Gods hûs,
ik seach dêr fiifentweintich man
en Jaäzanja, Pelatjahû
wiene dêr de heechsten fan.
‘Do minskesoan,’ sa hearde ik,
‘dit binne mannen rinnend
mei it ûnrjocht yn de holle om
en tinkend dat sy binne ’t fleis,
de stêd is dan de panne om te
brieden… profetearje deis!’
Dyselde deis wie ’k ûnderweis,
ik seach de liken yn de
stêd en profetearre oer dat fleis,
it ûnrjocht dat doe oandien wie,
it fleis fan alle hege hearen
wie ferrotte en fergie.
Wylst ik noch profetearre, stoar
ynienen Pelatjahû,
wat my oangriep, dat ik foel foaroer
en raasde ’t út: ‘Is it no oer?’
* Yllustraasje ‘Ezechiël’