Wat is in bist allinnich
mei dy twa ferealen achter him?
Hy heart de hiele dei dy stim
fan bist solist, in blaffend bist,
nee wier, hy is net sinnich.

Sjedêr, al wer in tandem
as twa sielen op ien stielen fyts,
it hiem is harren fierste lyts,
dus fleanend fluch by dy solist
lâns as in team fan standing.

Hy is ynienen sinnich
as er har dêr gnizend sitten sjocht
en wylst de rêch komt yn in bocht,
blaft hy beret as optimist,
ja wier, dan mar allinnich.

Ik seach se lizzen moarns noch ier,
wat einen en twa keallen;
wie dit byld dan syn ferskaat,
dan koe it doarp my mear fertelle,
’t lei foar dea as wie it sier.

Sa rûn ik fierder troch de kom
en ’t waard my iepenbierre:
aksje nei it diere-aard
fan kat en hynder dy’t har tjirren,
’t doarpsbyld joech ferskaat rûnom.