Hoefolle buorden roppe har ferhaal
en snije ’t skip midsfjouwer
yn ’t Prinses Margrietkanaal,
troch tal en breedte hieltyd nauwer.

Op ôfstân leit de poel yn ’t lege lân
wylst dêrút riist de dize,
boskjes stekke op de hân
om heech en breed de wei te wizen.

De hûn, wol hûndert lopen hinne…
hieltyd wer itselde koarte paad,
net lizzend yn syn springend aard,
hy sit no ienkear yn ’t asyl…
en wer datselde eintsje rinne.

De kij, wol tûzen koarte stappen
by de sleatten lâns, sa yn it rûn,
oan gers en fjouwer magen bûn
en fierder oan har melkerstiid,
dan noch op ’t fel de giele flappen.

De swan dy’t glydt syn gong op ’t wetter,
lit spattend earst, dan steatlik sjen
dat hy breedwjukkich fleane kin,
net bûn troch traaljes en oan tiid,
folsleine frijheid leit him better.