september 21, 2023
fan Francisco de Goya*
Wês net dysels yn it bestean,
draach hege hoed, set dyn gesicht
as wiest grimmitich op ’e wrâld
fan kening, adel, klearus,
dus lit dy samar gean.
Draach wol in swurd, mar mij geweld,
want dyn bestean is hjir mar koart,
dus fier frijmoedich karnaval,
wês kening, adel, klearus…
hast al oant trije teld?
Fan ien oant trije is mar koart,
prioriteit hat gjin geduld
asto dy gean litst as in oar;
foar kening, adel, klearus
moat alles sa’t it moat.
Dus stek gerêst dyn hân mar út,
do kenst har net, bist net dysels,
dyn eigen swurd wurdt no ek grut,
sy lit it wol gewurde,
dus nim har as dyn bút.
* Francisco de Goya (1746-1828)
Yllustraasje ‘Gjinien ken elkoar’
Print 6 út ’e searje ‘Los Caprichos’
september 20, 2023
fan ûnbekend*
Ezechiël
‘Minskesoan,’ sa klonk my as profeet
fan wiere wurden yn de earen,
‘kear dy tsjin de froulju fan
dyn folk dy’t ek falsk profetearje,
sjoch har rinnen yn it tsjoenderskleed.
Om de pols ha sy in tsjoendersbân,
in tsjoenderswale om de holle
om myn folk te bringen fan
it rjochte paad, elk om te bringen
dy’t net stjerre moat, gjinien hâldt stân.
Fan de pols raam Ik de tsjoendersbân,
dêrnei skuor Ik de wale stikken
om myn folk te rêden fan
de tsjoensters, falske profetessen
ha de langste tiid fan libjen hân.’
* Yllustraasje ‘Tsjoenster’