Willem Tjerkstra’s thússide
admin

Stiif

Keunst
PDF Print E-mail
fan Magnus Enckell*
fan Pekka Halonen**

De nacht wie foar ’t gefoel mar koart,
sa djip hat hy yn ’t ûnbewuste taast
nei bylden fan de drege dei:
in neaken fielen fan it moat,
want altyd hat de foarman haast.

Image

De rille rint him oer de lea
as hy de skonken oer de râne stekt,
de rest giet slop en stadich mei,
de kloeren binne him as dea,
hy fielt de druk, tinkt dat er lekt.

As jongste set er him teskrep
op bleate fuotten, mei in neaken liif
as pionier foar wer in dei,
hy is foarsichtich, want in mep
komt oan… fannacht wurdt er wer stiif.

Image

* Magnus Enckell (1870-1925)
wie in Finske skilder, dy’t yn de rin fan syn karriêre
him begûn te ynteressearjen foar it neo-ympresjonisme.

* Pekka Halonen (1865-1933)
wie in Finske skilder dy’t betûft waard yn it skilderjen
fan lânskippen en natuerstúdzjes.

admin

Skipperje

Lyrysk Deiboek
PDF Print E-mail
Image

Sy sit heech boppe wetter,
swarte fûgel fan de nacht
dy’t wite wurden skyt,
in fretter fan de grutte fracht
dy’t dûkend fiskjes byt,
de hals wurdt hieltyd fetter.

Sy fangt mei soartgenoaten
yn de mande fivers leech
en hat it steilste wurd,
gjin draaierij is har te dreech,
se skippert mei de sturt,
raast út har falske noaten.

Sy praat heech boppe wetter
har ferdraaide nekke skjin
om idel troch te gean
mei soartgenoaten yn de min
dy’t foar it pealtsje stean,
gjin spegel is moarn better.

Archieven

Zoeken

  • Categorie

  • Datum