Se kamen út it easten wei,
it wie net dúdlik wa’t se wiene,
keningen of earder wizen;
’t wie it firmamint dat harren sei
wat sy mei status diene.

It waard in drokte yn de stâl
mei trije keningen of wizen
op ‘e knibbels mei har status,
want it firmamint fûn neat te mâl,
it liet in stjer ferrize.

Ien kening kin it ús wol dwaan,
mar moat dy reizgje nei it easten,
op ‘e knibbels foar de godheid
Sport, om Anty- Homo ear te jaan?
De wiisheid seit it measte.

* Rembrandt (1606-1669)
Skilderij ‘De oanbidding troch de wizen’

** Wilma Konijn
Skilderij ‘Portret fan Willem Alexander’

Jawis, wy witte fan Marijes soan
hoe’t dy kriich op it strie de sliep,
dy Joazef moast it sa wol dwaan;
’t sprekt ús mei kryst wol oan,
foaral is ’t geef foar bern.

Wy tochten ’t wol, mar hjoed sjocht hy ús oan,
dy eachopslach, ’t is klear te sjen,
foar him mei sizzen net te dwaan;
wy tochten oan Marijes soan:
‘Sa’n bern giet net ferlern.’

Foto folder Liliane Fonds

* Rembrandt (1606-1669)
Skilderij ‘De oanbidding troch de hoeders’