Jordaan, rivier om troch te gean
as fisk yn streamend wetter
dat ornearre is foar syn bestean,
de lucht as azem yn dat elemint
sa fier as de rivier nei ’t suden rint.

Mei Jozua rûn ’t folk dertroch
oer ’t paad foar stilsteand wetter;
Jakobs tolve soannen stiene noch
te wachtsjen oant Gods feint it teken joech,
de holle heech, de fuotten trochgeand droech.

De sinne wiisde oer it lân
it paad nei de belofte,
wylst joech Jozua syn rjochterhân
it teken fan de fisk yn ’t elemint
sa fier as de rivier nei ’t suden rint.

Sjoch ek: Religy
Alef, Beet, Gimel, Dalet, Hee, Wav, Zaijn, Chet,
Tet, Joed, Kaf, Lamed, Mem

Mem, de frou dy’t libben jout
en mei har hân it berntsje hoedet,
frucht oan wetter tabetroud
dat hoeden ’t libben noedet.

Mem, fan wetter spegelstil
oant gaos mei de heechste weagen,
brutsen troch Jahweh syn wil
mei ’t blauwe swurk foar eagen.

Mozes, berntsje yn de koer
mei ûnder him it driigjend wetter,
lutsen út ‘e gaos, stjoer
yn frijheid jierren letter.

Minske, dûnsjend yn it blau,
Jahweh syn hânpalm om har hinne,
Eva, mem en wetterfrou,
sy weaget yn de sinne.

Sjoch ek: Religy
Alef, Beet, Gimel, Dalet, Hee, Wav, Zaijn, Chet,
Tet, Joed, Kaf, Lamed