december 22, 2019
fan Kazimir Malevitsj*
fan Kazimir Malevitsj**
In keunstner ûnder boeren;
sa kreëarre Malevitsj:
in rjochte greppel tusken biten
waard in streek op ’t wite doek,
it gie fan grut nei lyts.
Soldaten tusken boeren,
op ’e flecht foar it geweld,
de djippe greppels om te iten,
skûlplak nei in rappe dûk…
wa hat de deaden teld?
In keunstner kin net stjoere
ek mar ien soldaat nei ’t front,
belibbet wol in swarte rite,
giet foarby oan krie en roek
en greppels fol mei stront.
Soldaten, mar ek hoeren
binne fjouwerkant dertsjin
dat swart wurdt oansjoen foar it wite
doek, in greppel is net smûk,
men praat geweld net skjin.
* Kazimir Malevitsj (1879-1935)
Skilderij ‘Selsportret’
Skilderij ‘Swart fjouwerkant’ (1915)
december 21, 2019
fan ûnbekend*
Freonskip hat te krijen mei
it hert jaan oan wa’t men fertrout,
it is de fraach wêr giet it hinne,
nei de wrâld is net de wei.
Slút gjin freonkskip mei de wrâld,
dy libbensbân is net fertroud,
rint út op fjochtsjen om te winnen,
makket konkurrinten kâld.
Freonskip mei de wrâld hâldt yn
de omkear: fijânskip mei God,
syn leafde hast dan net fertsjinne,
’t giet dy net mear foar de wyn.
Wa’t lytsman wurdt foar de Hear,
komt tichterby syn Keninkryk,
dêr’t minsken wiere freonen binne,
fijânskip is dêr net mear.
* Foto ‘Freonskip’