december 20, 2020
fan ûnbekend*
fan Daniel Chester French**
Fan boeresoan ta presidint,
hy makke sa karriêre,
wist net wat him noch te wachtsjen stie,
it hie net folle minder kind.
As boeresoan wie hy net wend
oan striid om yn te stjerren,
dat in boargeroarloch wie yndie
foar him gjin doel as presidint.
It doel – fuort mei de slavernij –
moast hiel de naasje hearre,
fan dy wurden kaam it ta de die,
de oarloch makke slaven frij.
Foar Lincoln kaam in monumint
fan kalkstien en wyt moarmer,
omdat hy de naasje rêden hie,
’t stiet as ‘Memorial’ bekend.
Yn stilte stiet it folk derby;
de herten wurde waarmer
as it sjocht hoe grut hy is en wie,
want hy feroare ik yn wy.
* Foto ‘Lincoln Memorial’
** Daniel Chester French (1850-1931)
Byld ‘Abraham Lincoln’
december 19, 2020
fan ûnbekend*
Ast jong bist, kinst noch alles oan,
dan is dyn lichem linich,
lit dyn geast dy laitsje,
liket hiel it libben skoan.
Dus jongelju, lit jimme gean
en jou jim oer oan wille,
elk kin ’t no noch meitsje,
bliuw net oan de sydkant stean.
Kear kwalen op, sadat jim lea
sûn bliuwe, ban de stilte
út it hert en reitsje
yn ekstaze, net foar dea.
Lykas it hert begeart, de wei
fan wille silsto rinne,
sa kinst dy fermeitsje,
mar wit wol dat God rint mei.
Foto ‘Wille’