Willem Tjerkstra’s thússide

Posted by admin

admin

Konsintraasje

Skiednisbylden

fan ûnbekend*
fan ûnbekend**

Wat is der mis mei konsintraasje
ast dy rjochtest op ien punt
dat wichtich is om oer te tinken:
konsintraasje op ’e minsken
dy’t nei de dea noch winke.

Se wonken op appel-terreinen
yn ferbylding nei de wrâld
om har mei gauwens te befrijen
fan de dieders yn de kampen…
mei konsintraasje op har lijen.

En doe’t soldaten ’t lijen seagen,
leauden sy har eagen net,
’t gefoel joech har de konsintraasje
om de wapens rap te rjochtsjen
op alle dieders fan dy naasje.

* Foto ‘Op appel’
** Foto ‘Nei lijen befrijd’

admin

Nei dwylsin teplak

Bibelbylden

fan William Blake*
Daniël

Nebûkadnessar klom nei ’t dak
fan syn paleis en stapte pratend rûn:
‘Wat is myn stêd dochs allemachtich
grut, in foarstlik wenstee, boud troch my,
sjedêr de gloarje fan myn majesteit!”

Der kaam in oar lûd foar yn ’t plak,
dat delsloech, streekrjocht út ’e himel wei:
‘As kening binne jo net machtich
mear, jo wenstee is by ’t bisteguod,
jo ite gers lykas in ko en geit.’

Sa kriich de kening syn gerak
as bist, bedutsen waard syn lea mei hier,
hy wie de minsketaal net machtich;
nei ferrin fan tiid dy’t dêrfoar stie,
is kenings eachopslach nei ’t minskdom draaid.”

Nebûdkadnessar wist syn plak:
‘Ik kriich myn keningskip mei it ferstân
werom troch Him dy’t allemachtich
heech is, dat de gloarje is oan Him,
ik bin ôfhinklik fan syn majesteit!’

* William Blake (1757-1827)
Yllustraasje ‘Nebûkadnessar as bist’


Archieven

Zoeken

  • Categorie

  • Datum