augustus 17, 2024
fan ûnbekend*
Daniël
Darius waard kening oer in ryk
dat grutter wie as dat fan Babel,
mei hûnderttweintich gûverneurs,
dy’t oan Daniël ferslach útbrochten,
dêrnei tsjinne hy har fan replyk.
Alle pommeranten yn it ryk
begûnen dêrtsjin te agearjen,
de opset wie om Daniël
swart as roet te meitsjen by de kening,
opdat Daniël kriich gjin ûntwyk.
Mei bombaarje gie it nei ’t paleis:
‘O kening, lit in wet foarskriuwe
dat jo beslute oer in fraach,
net in god en net in minske,
wa’t oars docht, wurdt foar de liuwen fleis.’
* Reliëf ‘Mei bombaarje nei ’t paleis’
augustus 16, 2024
fan ûnbekend*
Lit skilders komme om
te konkurrearjen mei
de kleuren fan El Nido,
eilân dat him mjitte kin
mei mear as tûzen oare
yn provinsje Palawan.
De tinten grien en blau
dy kontrastearje mei
it donker fan de rotsen;
skilders kinne dat wol sjen,
mar komme net nei foaren
mei har eigen masterplan.
* Foto ‘El Nido yn de provinsje
Palawan (Filippinen)